chicken satay

190418-chicken-satay-horizontal-300-1556573740

chicken satay

အိမ်မှာ ကြက်ဆာတေးလုပ်စားကြရအောင်

ဒီတစ်ခေါက်တော့ အရသာလည်းရှိရမယ် လွယ်လည်းလွယ်ကူရမယ် ပေါ့ပေါ့ပါးပါးဖြစ်မယ့် အစားအစာတစ်ခုလုပ်နည်းအကြောင်းစဉ်းစားလိုက်တော့ ကြက်ဆာတေးကိုစိတ်ကူးရမိတယ်။ ကြက်ဆာတေးက ဆိုင်မှာစားရင် အတော်လေးစားကောင်းပြီးတော့ ကိုယ်တိုင်လုပ်တာဆိုတော့ပိုပြီး သန့်သန့်ရှင်းရှင်းစားနိုင်တာပေါ့

ကဲ ကြက်ဆာတေးလုပ်ဖို့အတွက်ကတော့ဒါတွေလိုအပ်ပါမယ်။

အရေခွံမပါသောကြက်ရင်ပုံသား – လေးဆယ်ကျပ်သား
ကြက်သွန်ဖြူအမွှာခပ်ကြီးကြီး – တစ်မွှာ
ကြက်သွန်နီဥအနေတော် – တစ်လုံး
သကြားညို – စားပွဲတင်ဇွန်း ၂ စွန်း
ငံပြာရည် – စားပွဲတင်ဇွန်း ၂ စွန်း
ပဲဆီ၊ ဟင်းသီးဟင်းရွက်ဆီ – စားပွဲတင်ဇွန်း ၃ စွန်း
မြေပဲလှော် – တစ်ဆယ်ကျပ်သား
ထိုင်းငရုတ်ချဉ် – စားပွဲတင်ဇွန်း တစ်ဇွန်းနှင့်တစ်ဝက်
ကြက်သားကင်ပေါ်သုတ်ရန်ဆီ – အနည်းငယ်
အကင်တုတ်ချောင်းတံအသေး – ၂၀ ချောင်း သို့ ၂၅ ချောင်း

ပြုလုပ်နည်း

ကြက်ရင်ပုံသားကို တစ်လက်မအရွယ်မရှိတရှိ အနေတော် အလွှာကလေးတွေရအောင်လှီးထားပါ။ ထို့နောက်အကင်တုတ်ချောင်းတံဖြင့် ကြက်သားအလွှာကို အရှည်လိုက် ထိုးသီပြီး ပန်းကန်ပြားထဲတွင် ထည့်ပါ။ အသားကြိတ်စက်ထဲတွင် ကြက်သွန်ဖြူ၊ နီ၊ သကြားညိုနှင့် ငံပြာရည်တို့ကို ရောပြီး ကြေညှက်သွားတဲ့အထိ သမအောင်မွှေပါ။ အနေတော်အနှစ်ရလာပါက တုတ်ချောင်းထိုးထားသော ကြက်သားများပေါ်သို့ သုတ်လိမ်းပေးပြီး အပေါ်မှ ပလတ်စတစ်အကြည်စအုပ်ကာ သုံးနာရီမှ လေးနာရီထိနှပ်ပေးရပါမယ်။ အသားကြိတ်စက်နှင့် မွှေထားသည့် ဟင်းအနှစ်အနည်းငယ်ကို ဒယ်အိုးအသေးတစ်လုံးဖြင့် မီးအေးအေးပေးပြီး တို့စားဖို့အချဉ်ပြုလုပ်ရပါမယ်။ ထို့နောက် နှပ်ထားပြီးကြက်သားကို ဆီသုပ်ပေးပြီး မီးအရှိန်သိပ်မပြင်းတဲ့ မီးသွေးမီးဖိုပေါ်မှာ အပေါ်အောက်လှန်၍ကင်ပေးရပါမယ်။ အသားကို ရွှေဝါရောင်သမ်းလာသည်အထိ ကင်ပေးရပါမယ်။ ကင်နေစဉ်အချိန်မှာ ကြက်သားကိုဆီလေးသုတ်ပေးရပါမယ်။ အရသာရှိပြီး လုပ်ရတာလွယ်ကူတဲ့ ကြက်ဆာတေးကို ဒီတစ်ပတ်အိမ်မှာ ကိုယ်တိုင်လုပ်စားကြည့်ကြပါဦးနော်။

Cozy Bar & Restaurant

frame

Cozy Bar & Restaurant

အမြည်းဆန်းဆန်းများနဲ့ ဘီယာမျိုးစုံရတဲ့ဆိုင်

ရန်ကုန်မြို့မှာ အမြည်းကောင်းကောင်းနဲ့ ဘီယာအမျိုးစားစုံစုံလင်လင်သောက်ချင်တယ်ဆိုရင်တော့ တောင်ဥက္ကလာ၊ ဗြဟ္မစိုရ်လမ်းက Cozy Bar & Restaurant ကိုသွားဖို့ လမ်းညွှန်ပေးချင်ပါတယ်။

ဆိတ်ဗယာကြော်

အမြည်းဆန်းဆန်းတွေကြောင့် လူတိုင်းရဲ့ပါးစပ်ဖျားမှာ နေရာတစ်နေရာအခိုင်အမာရထားတဲ့ဆိုင်မှာ ကယားဝက်အူချောင်း၊ ဆိတ်ဗယာကြော်၊ ပင်လယ်စာဟော့ပလိတ်၊ ကြက်အရေခွံအစာသွပ်၊ ဆတ်ကချင်ထောင်း စတာတွေက လူကြိုက်အများဆုံးနာမည်ကြီး Menu တွေပါ။

အရင်ဆုံး ဘီယာနဲ့စသောက်မယ်ဆိုရင် ဆိတ်ဗယာကြော်ကို မဖြစ်မနေ မြည်းစမ်းကြည့်ဖို့ပြောချင်ပါတယ်။ အရသာထူးထူးလေးနဲ့ စားရတာနည်းနည်းလေး စပ်သယောင်ယောင်ရှိပေမယ့် အစပ်မစားချင်ဘူးဆိုရင်တော့ အစပ်လျှော့ပေးဖို့ ပြောလိုက်ပါ။ အချဉ်နဲ့တို့စားရင် အရသာတစ်မျိုးပြောင်းပြီး ဘီယာနဲ့တကယ်လိုက်ဖက်မှုရှိပါတယ်။

 

ပင်လယ်စာဟော့ပလိပ်ကတော့ အငွေ့တထောင်းထောင်းနဲ့ ပူပူလေးစားရင်တကယ်ကောင်းပါတယ်။ ပင်လယ်စာကို အရသာထူးထူးနဲ့ ပုံစံကွဲကွဲစားချင်တယ်ဆိုရင် စားကြည့်သင့်ပါတယ်။ ဒါပေမယ့် ပူတုန်းမှာစားဖို့အကြံပြုလိုပါတယ်။ အေးသွားရင်စားရတာ အရသာပေါ့သွားတယ်လို့ ခံစားမိပါတယ်။

ဆတ်ကချင်ထောင်းကတော့ ရိုးရိုးပုံမှန်စားနေကျ ဆတ်သားခြောက်တွေလိုအရသာမျိုးရှိပါတယ်။ သူ့မှာမတူညီတဲ့အချက်က ဆတ်သားခြောက်လို အားအင်စိုက်ပြီး ဝါးနေစရာမလိုပဲ နူးညံ့မှုရှိပါတယ်။ ချိုအီတဲ့အရသာမျိုးအတွက် ထူးထူးခြားခြား ရွှေအိုရောင်သံယောစဉ် ဆိုတဲ့ ပင်လယ်စာဟင်းပွဲလေးစားကြည့်သင့်ပါတယ်။ ပြိုင်ပွဲမှာ ဆုရထားတဲ့ဟင်းပွဲတစ်ခုဆိုတော့ အရသာကတော့ အားလုံးသဘောကျနိုင်မှာပါ။

 

Address

Shop Info

Location

No-668 , 4/6 Bya Ma Soe Street , Southokkalapa Tsp, Yangon, 

TEL/Email

Phone : 01 577 979

Email : No Email

Open Hours

MON-FRI 09:00 – 19:00

SAT-SUN 10:00 – 14:00

New Openings Restaurants (March)

5e71b776aaa09

New Openings Restaurants (March)

လတ်တလောဖွင့်လှစ်ခဲ့သည့် စားသောက်ဆိုင်များ

ဒီတစ်ပတ်တော့ ရန်ကုန်မြို့မှာ လတ်တလောဖွင့်လှစ်ခဲ့တဲ့ စားသောက်ဆိုင်လေးတွေအကြောင်းကိုစုစည်းဖော်ပြပေးသွားပါမယ်။ ကိုယ့်အကြိုက်နဲ့ကိုက်မယ့် ဆိုင်သစ်လေးတွေရှိမယ်ဆိုရင် သွားလို့ရအောင်ရှာဖွေပေးထားပါတယ်။ အသစ်ဖွင့်လှစ်မယ့် ဆိုင်တွေအကြောင်းကိုလည်း ထပ်မံပြီး လက်လှမ်းမီသလောက်ဖော်ပြပေးသွားပါမယ်။

TSUKUMO Bakery

Bakery ဆိုင်ကောင်းကောင်းရှာနေတဲ့သူတွေအတွက် အဆင်ပြေမယ့်ဆိုင်လေးပါ။ ဒီဆိုင်မှာ An-pan, Cream-pan, Meron-pan တွေကလူကြိုက်များပြီး ရွေးချယ်စရာအစုံအလင်ရှိတယ်လို့ သိရပါတယ်။

Facebook

Address
Open: 11: 00 am – 17: 00 pm
Close: Sunday, Monday

TEL: 09 250 790 192

Memory Hot Pot

ဒီနိုင်ငံမှာ ဟော့ပေါ့ကို ရည်းစားထက်ချစ်တယ်ဆိုတဲ့ Foodie တွေအများကြီးရှိတယ်လို့ထင်ပါတယ်။ ဒါကဟော့ပေါ့ချစ်သူတွေအတွက် Try ကြည့်ရမယ့်ဆိုင်လေးတစ်ဆိုင်ပါ။ ကားပါကင်ကျယ်ကျယ်နဲ့ ဓာတ်ပုံရိုက်လို့ကောင်းတဲ့ဆိုင်အပြင်အဆင်နဲ့ အရသာကောင်းတဲ့ ဟော့ပေါ့က ဒီဆိုင်ရဲ့အသက်လို့ဆိုပါတယ်။

Hours 10:00 AM – 11:45 PM

Facebook

Address 

The Chuan House

အရင်က ရှင်စောပုလမ်းမှာ စက်ရုပ်ခေါက်ဆွဲလို့ နာမည်ကြီးခဲ့တဲ့ ဆိုင်ပါ။ ဆိုင်နာမည်နဲ့ နေရာပြောင်းလဲဖွင့်လှစ်ထားတာဖြစ်ပြီးစီချွမ်/မာလာ အရသာဟင်းပွဲတွေ အကင်တွေ၊ လက်လုပ်ခေါက်ဆွဲနဲ့ ဖက်ထုပ်တွေအစုံရနိုင်တဲ့ဆိုင်ပါ။ အစားအသောက်တွေစုံပြီးဆိုင်သစ်ဖွင့်ပွဲအနေနဲ့ မတ်လ ၃၁ ရက်နေ့ထိ ဈေးလျှော့ပေးမယ့် အစီအစဉ်တွေလည်းရှိတယ်လို့ သိရပါတယ်။

9:30 AM – 11:30 PM
No. (469), Thit Sar Road, South Okkalar Township, Yangon
09 44373 9029

Facebook 

 

Origin Coffee & Roastery

ဒီဆိုင်ကတော့ Coffee Lover တွေအတွက် ဖွင့်လှစ်ထားတဲ့ဆိုင်ပါ။ မြန်မာ့ကော်ဖီစစ်စစ်တွေအကြောင်းကိုလေ့လာချင်တယ်၊ အရသာကို မြည်းစမ်းချင်တယ်ဆိုရင် ဒီဆိုင်ကိုလာရောက်ဖို့ ဖိတ်ခေါ်ထားပါတယ်။

Hours 8:00 AM – 10:00 PM

Facebook

Address

Shop Info

Location

Origin Coffee & Roastery at The Central Boulevard, Shop 19, Kabar Aye Pagoda Rd, Yangon

TEL/Email

Phone : 09 964 175265

Email : No Email

Open Hours

MON-FRI 09:00 – 19:00

SAT-SUN 10:00 – 14:00

Mya Nandar – Thai Food & BBQ

55901813_2442127339153221_3578757924316512256_n

Mya Nandar – Thai Food & BBQ

ထိုင်းအစားအစာ အရသာကောင်းကောင်းနဲ့စားကြမယ်

ထိုင်းအစားအစာအရသာကောင်းကောင်းနဲ့ စားလို့ရမယ့်ဆိုင်တစ်ဆိုင်အကြောင်း ဒီတစ်ပတ်ဖောက်သည်ချပါမယ်။ ရန်ကုန်မှာရှိတဲ့ နာမည်ကြီး လူသိများတဲ့ ထိုင်းဆိုင်တွေထဲက တစ်ခုအပါအဝင်ဖြစ်တဲ့ မြနန္ဒာ Thai Food and BBQ ဆိုင်ပါ။

ချဉ်ချဉ်စပ်စပ် ထိုင်းအရသာအစားအစာတွေစားမယ်ဆိုရင်တော့ ဒီဆိုင်လေးကအဆင်ပြေပါတယ်။ ထိုင်းအစားအသောက် အထောင်းမျိုးစုံနဲ့အကင်စုံ ရပါတယ်။

ပင်လယ်စာအစားအသောက်တော်တော်များများရတာကိုတွေ့ရတယ်။ အသားလတ်ပြီး စားလို့အဆင်ပြေတယ်။
ဒီတစ်ခေါက်စားဖြစ်တဲ့ ငါးဆားကြမ်းကင်အကြောင်းစပြောရရင် နာမည်ကိုကြည့်ပြီး အတော်လေးငံမယ်လို့ထင်ခဲ့တာ။ တကယ်တမ်းစားကြည့်လိုက်မှ အရသာထူးပြီး ငါးသိပ်မကြိုက်တဲ့ အက်ဒမင်တောင် သဘောကျမိတယ်။ တခြားငါးကင်တွေလို အသားထဲမှာ ဘာအနှစ် အဆာမှမထည့်ထားပဲ အသားချည်းသီးသန့်ကို အရသာတစ်မျိုးလေးနဲ့ စားရတာမို့ အရသာတွေ့မိတယ်။

နောက်တစ်ခုက ဆိုင်လာတဲ့သူအများစု မှာစားကြလေ့ရှိတဲ့ တောထောင်းပါ။ ဟင်းပွဲအပြင်အဆင်က စားချင့်စဖွယ်ဖြစ်ပြီး အမျိုးအစားစုံစုံလင်လင်လေးထည့်ထားတဲ့အထောင်းတစ်မျိုးပါ။ သင်္ဘောသီးထောင်းကိုတွဲဖက်စားစရာ အစုံအလင်နဲ့စားချင်စဖွယ်လေး ပြင်ဆင်ထားတာကို သဘောကျမိတယ်။ တစ်ပွဲကို ၂ ယောက်လောက်စားလို့ရတယ်။

နောက်ထပ်စားဖြစ်ခဲ့တဲ့ ပန်းဂဏန်းထောင်းကတော့ ဂဏန်းကြိုက်တဲ့သူတွေအတွက် စိတ်ကြိုက်ဖြစ်မယ့် ဟင်းပွဲတစ်ခုပါ။ဂဏန်းသိပ်စားလေ့မရှိတဲ့သူမို့ထင်တယ် အရမ်းတော့မကြိုက်ဘူး။ အသားအရသာမဆိုးဘူးလို့ဆိုရမှာဖြစ်ပြီး ဂဏန်းကြိုက်တဲ့သူတွေတော့ သဘောကျမှာပါ။

ဒီဆိုင်ကိုရောက်ရင် အခြားဆိုင်တွေမှာလိုမဟုတ်ပဲ ထူးထူးခြားခြားအစားအသောက်လေးတွေလည်းရှိပါတယ်။ပင်လယ်စာ သင်္ဘောသီးထောင်း၊ ငါးခူမွှကြော် သင်္ဘောသီးထောင်း၊ ဘာကူတေး၊ ပင်လယ်စာအစုံသုပ်တို့လို အစားအသောက်တွေက မစားဖူးသေးရင် မြည်းကြည့်ဖို့ကောင်းတဲ့ ဟင်းပွဲတွေပါ။

ဆိုင်မှာ ထိုင်းအစားစာတွေအပြင် အကင်အစုံနဲ့ ဘီယာတွေရပြီး အမြည်းကောင်းကောင်းစားပြီး သောက်မယ့်ဘော်ဒါတွေအတွက်လည်းအဆင်ပြေပါတယ်။ ဆိုင်မှာ ကားပါကင်နေရာကျယ်ပြီး ကားပါကင်အတွက် စိတ်ပူစရာမလိုပါဘူး။ ဒီဆိုင်အကြောင်းကို မသိသေးတဲ့သူငယ်ချင်းတွေအတွက် ပြန်လည်မျှဝေပေးလိုက်ပါတယ်။ ထိုင်းစာကောင်းကောင်းကြိုက်တတ်တယ်ဆိုရင်တော့ ဒီဆိုင်လေးကိုသွားကြည့်ဖို့ လမ်းညွှန်ပေးလိုက်ပါတယ်။

Address

Shop Info

Location

No. 4, Thanthumar Road, Su Paung Bus Stop,Yangon.

TEL/Email

Phone : 09 781 889035

Email : No Email

Open Hours

MON-FRI 09:00 – 19:00

SAT-SUN 10:00 – 14:00

BEE HOUSE

photo - BEE HOUSE

BEE HOUSE

Seafood နဲ့ ရှမ်းစာကောင်းကောင်းရတဲ့ဆိုင်လေး

ဒီဆိုင်လေးကတော့ စားသောက်ဆိုင်တွေမှိုလိုပေါက်နေတဲ့စမ်းချောင်းမြို့နယ်မှာဖွင့်လှစ်ခဲ့တဲ့ စားသောက်ဆိုင်လေးပါ။ ဆိုင်နာမည်က BEE HOUSE ဖြစ်ပြီးတော့ Seafood နဲ့ ရှမ်းစာကောင်းကောင်းလေးတွေရတဲ့ဆိုင်လေးလို့ သိရပါတယ်။

မြန်မာနိုင်ငံကလူငယ်တွေကြားမှာ ပေါ်ပြူလာဖြစ်ပြီး အစားများကြတဲ့
အစားအစာတွေဖြစ်တဲ့ BBQ ၊ ပင်လယ်စာ၊ ရှမ်းရိုးရာအစားအစာ၊ ထိုင်းအစားအစာတွေကိုဈေးနှုန်းသင့်တင့်စွာနဲ့ စားနိုင်မယ်လို့သိရပါတယ်။ ဒါ့အပြင် ဘီယာသောက်မလားဝိုင်သောက်မလား cafe သောက်မလား ကြိုက်နှစ်သက်ရာ Drink အမျိုးမျိုးလည်းရနိုင်ပါသေးတယ်။

ဆိုင်က လူစည်ကားရာနေရာဖြစ်တဲ့ စမ်းချောင်းလမ်း Strategy First ကျောင်းနားက The Corner Barရှေ့နားမှာ ဖြစ်ပြီး စမ်းချောင်းကိုမကြာခဏရောက်ဖြစ်ရင်တော့ ဖွင့်ထားတာသိပ်မကြာသေးတဲ့
ဒီဆိုင်လေးကို အရောက်သွားလိုက်ပါဦး။

Shop Info

Location

166-A, Sanchaung Street, Sanchaung Township, Yangon

TEL/Email

Phone : 09 776 296789

Email : No Email

Open Hours

MON-FRI 09:00 – 20:00

SAT-SUN 9:00 – 20:00

Best Japanese Restaurants in Yangon

5e6710ec9db7c

Best Japanese Restaurants in Yangon

ရန်ကုန်မြို့ရဲ့ လူကြိုက်အများဆုံး ဂျပန်စားသောက်ဆိုင်များ

ဂျပန်အစားအသောက်ကောင်းကောင်းစားဖို့အတွက် ဂျပန်နိုင်ငံအထိတော့
တကူးတကသွားနေဖို့မလိုတော့ပါဘူး။ ရန်ကုန်မှာလည်း ဂျပန်အစားအသောက်တွေနေရာတော်တော်များများမှာ ရနေပါပြီ။ ဒီတစ်ခေါက်မှာ ရန်ကုန်မြို့က ဂျပန်ရိုးရာအစားအသောက်တွေကောင်းတဲ့ဆိုင်တွေအကြောင်းကို စုစည်းဖော်ပြပေးသွားပါမယ်။ ဒီစားသောက်ဆိုင်တွေက Warmae အဖွဲ့သားတွေရှာဖွေထားသလောက်ကိုပြန်လည်ဖော်ပြခြင်းဖြစ်ပြီး အခြားဂျပန်စားသောက်ဆိုင်ကောင်းကောင်းတွေလည်း ရှိနိုင်ပါသေးတယ်။

Shiki Tei Restaurant

PARKROYAL Yangon ပထမထပ်မှာရှိတဲ့ Shiki Tei Restaurant မှာ ဂျပန်အစားအသောက်ကောင်းကောင်းတွေရှိပါတယ်။ ဂျပန်စားဖိုမှူးကိုယ်တိုင်ချက်ပြုတ်ထားတဲ့ ဂျပန်အစားအစာတွေကြောင့် လူကြိုက်များတဲ့ ဂျပန်စားသောက်ဆိုင်တစ်ဆိုင်ပါ။ ဆူရှီကောင်းကောင်း ဒါမဟုတ် Ramen ကောင်းကောင်းတွေစားမယ်ဆိုရင်တော့ ဒီဆိုင်ကိုရွေးချယ်သင့်ပါတယ်။

Address
+9518250388(Ext 8119)

Fuji Japanese Restaurant – Myanmar

အမာခံပရိသတ်အများကြီးရှိတဲ့ ဒီဆိုင်ကလည်း ရန်ကုန်ရဲ့ နာမည်ကျော် ဂျပန်စားသောက်ဆိုင်တွေထဲကတစ်ခုအပါအဝင်ဖြစ်ပါတယ်။ ဆိုင်ခွဲတော်တော်များများရှိပြီး ဂျပန်စာကြိုက်သူတွေသဘောကျတဲ့သူတွေအတွက် Fuji Japanese Restaurant ကအဆင်ပြေစေမှာပါ။

1. Hantharwaddy Rd.
01-514776

2. Market Place
09- 730-22337

3. Mingalar Mandalay
09- 444457105

4. Junction City, L3
09-45440-3700

Family Sushi Japanese Restaurant

ဆူရှီဈေးတန်တန်နဲ့ကောင်းကောင်းလေးစားချင်တဲ့သူတွေအတွက် သင့်တော်တဲ့ဆိုင်လေးပါ။ Salmon Maki ၊ Tamago Nigiri၊ Salmon Nigiri စတဲ့ဆူရှီအမျိုးအစားပေါင်းများစွာကို ဈေးသက်သက်သာသာနဲ့စားနိုင်လို့ လူကြိုက်များတဲ့ဆိုင်လေးပါ။ စားကောင်းတဲ့ ဂျပန်အစားအသောက်အစုံရတဲ့ ဒီဆိုင်လေးကိုလည်း ဂျပန်အစားအစာချစ်သူတွေအကြိုက်တွေ့နိုင်မှာပါ။

104,U Chit Maung Housing, U Chit Maung St,Yangon.
09 507 7223

Fuji Sushi Japanese Food

ဆူရှီမှ ဆူရှီပဲဆိုရင်တော့ ဒီဆိုင်လေးကိုသွားဖို့လိုပါတယ်။ ရွေးချယ်စရာ ဂျပန်ဆူရှီအရသာများစွာရှိပြီး ဂျပန်အစားအစာကောင်းကောင်းလေးတွေလည်း ရရှိနိုင်မယ့် ဆိုင်လေးပါ။

Shwe Taung Tan Street,Yangon .
09 260 111 565

Kohaku Japanese Restaurant

Chatrium Hotel Royal Lake Yangon က Kohaku Japanese Restaurant မှာ တော့ အသား၊ ငါး အသီးအရွက်တွေကိုဂျပန်ရိုးရာအတိုင်းချက်ပြုတ်ထားတဲ့အစားအသောက်တွေရရှိနိုင်ပါတယ်။ မကြာခဏလည်း ဂျပန်အစားအသောက်တွေအတွက်ဘူဖေးအစီအစဉ်တွေလည်း ရှိတဲ့နေရာတစ်ခုပါ။

No 40 Natmauk Road, Tamwe Township,Yangon .
01 544 500

Michinoku Japanese Restaurant

Michinoku Japanese Restaurant က ဂျပန်စားသောက်ဆိုင်ပုံစံလေးနဲ့ ဂျပန်အစားအသောက်ကောင်းကောင်းတွေရတဲ့ဆိုင်တစ်ခုပါ။ တက္ကသိုလ်ရိပ်သာလမ်းသစ်နဲ့ ဆရာစံလမ်းထောင့်မှာရှိတဲ့ ဂျပန်စားသောက်ဆိုင်ကလည်း ဂျပန်လူမျိုးအများစုသဘောကျနှစ်ခြိုက်တဲ့ ဆိုင်လေးတစ်ဆိုင်ပါ။

Corner of New University Avenue Road and Sayasan Road, Bahan Township,Yangon.
09 787 400725

Jan Jan Jan Japanese Ramen

ဈေးနှုန်းသင့်တင့်တဲ့ ဂျပန်အစားအစာများနဲ့ Japanese Ramen ကို အဓိကထားရောင်းချတဲ့ Jan Jan Jan Japanese Ramen ဆိုင်က ဆိုင်ခွဲ ၂ ခုရှိပြီး Ramen ကြိုက်သူတွေအတွက် ဦးစားပေးသွားရမယ့် စားသောက်ဆိုင်တစ်ခုပါ။

– 3rd floor, Myanmar Plaza.
– No (211), Corner of Anawtatha Road and 12th Street, Lanmadaw, Yangon.
09 44930 6306

KOBE-YA Japanese BBQ restaurant

ရန်ကုန်မှာရှိတဲ့ ဂျပန်လူမျိုးတွေအများစု အားပေးကြတဲ့ ဂျပန်စားသောက်ဆိုင်တစ်ဆိုင်ပါ။ ဒီဆိုင်မှာဂျပန်ရိုးရာပုံစံအတိုင်း ပြုလုပ်ထားတဲ့ BBQ ကောင်းကောင်းတွေရပါတယ်။

No.4, Pyi Thar Yar street, Moe Kaung Road,Yangon.
09 42001 5401

Hanabi Yangon Japanese Restaurant

ဆူရှီကောင်းကောင်းနဲ့ ဂျပန်စာဆန်းဆန်းလေးတွေကို သင့်တင့်တဲ့ဈေးနှုန်းနဲ့စားချင်တဲ့သူတွေအတွက်ဒီဆိုင်လေးက သင့်တော်ပါတယ်။ မြို့ထဲကိုရောက်လို့ ဂျပန်စားသောက်ဆိုင်ရှာမယ်ဆိုရင် Hanabi ကိုရွေးသင့်ပါတယ်။

No.238, Maha Bandula Park Street(Upper), Kyauktada Township, Yangon.
01 373 414

Food Cottage

Ayam Penyet (Chilli Lime Fried Chicken)

Food Cottage

ကြက်ခရေဇီတွေအကြိုက်တွေ့မယ့် လှည်းတန်းကဆိုင်

ဒီတစ်ခေါက်ရောက်ခဲ့တဲ့ဆိုင်လေးက ကြက်သားခရေဇီတွေအတွက်
အကြိုက်တွေ့မယ့်ဆိုင်ပါ။ ကြက်သားနဲ့ပတ်သက်တဲ့ ဟင်းပွဲတွေစုံပြီးထိုင်းစာကောင်းကောင်းလေးတွေလည်းရတဲ့ဆိုင်လေးတစ်ဆိုင်ပါ။

Ayam Penyet (Chilli Lime Fried Chicken)

Ayam Penyet (Chilli Lime Fried Chicken) – 4000 Ks

ကြက်အစပ်ကြော်ကို ကြက်ဆီထမင်း၊ မြေပဲ၊ ငါးနီတူကြော်၊ ဟင်းအနှစ်တို့နဲ့တွဲဖက်ပြင်ဆင်ထားတဲ့ဟင်းပွဲပါ။ ကြက်သားအစပ်က အရမ်းမစပ်ပဲ ကြော်တဲ့နည်းလမ်းကခါတိုင်းစားနေကျ ကြက်သားကြော်နဲ့မတူတာကိုတွေ့ရတယ်။ ပုံမှန်စားနေကျမဟုတ်တဲ့ကြက်သားကြော်လေးနဲ့ ကြက်ဆီထမင်း ဟင်းအနှစ်အရသာကောင်းကောင်းလေးနဲ့အရမ်းမကြိုက်ပေမယ့် စားလို့မဆိုးဘူးလို့ သတ်မှတ်ရမယ်။

Honey BBQ Pork – 6000 Ks

အသားများများဝက်နံရိုးကို ပျားရည်နဲ့ကင်ထားတဲ့ သဘောကျမိတဲ့ နံရိုးကင်ပါ။ ဟင်းအပြင်ဆင်လေးကိုက စားချင့်စဖွယ်ဖြစ်ပြီး ထူးခြားတဲ့အရသာလည်းရှိပါတယ်။ နံရိုးတွေဒီထက်ပိုနူးအိမယ်ဆိုရင်တော့ ပိုစားကောင်းမယ်လို့ မြင်မိပါတယ်။

Pandan Leaf Chicken – 3800 Ks

စားလို့အရသာတော်တော်ကောင်းတဲ့ ကြက်သားဆူးမွှေးဖက်ထုပ်ကြော်ပါ။ အသားအရသာနဲ့ဖက်ထုပ်အရသာတော်တေ်ာလေးစားကောင်းပြီး အချဉ်နဲ့တို့စားလို့ကောင်းတဲ့ဖက်ထုပ်ပါ။ တစ်ခုပဲယူထားတဲ့ဈေးနဲ့ ၄ ခုပဲပါတာကတော့ ဈေးများတယ်လို့ခံစားမိပါတယ်။

ဒီဆိုင်မှာ ကြက်သားနဲ့ပတ်သက်တာတွေတော်တော်များတယ်။ ပျားရည်ကြက်ကင်၊ စပါးလင်ကြက်ကြော်၊ ကြက်ဖက်ထုပ်ဟင်းချို၊ ရိုးရာကြက်ခြေထောက်သုပ်တို့လို အသားသောက်ဆန်းဆန်းလေးတွေလည်းရနိုင်ပါတယ်။ ဆိုင်တည်နေရာအနေအထားနဲ့အစားအသောက်အရသာလေးတွေကောင်းပြီး မီနူးထဲကဈေးတွေကို လူငယ်တွေလက်လှမ်းမီနိုင်မယ့် ဈေးတစ်ခုသတ်မှတ်နိုင်ရင်ပိုအောင်မြင်လာမယ့် ဆိုင်လေးလို့ မြင်မိပါတယ်။

ကဲလှည်းတန်းဘက်ရောက်ဖြစ်ရင် ဒီဆိုင်လေးကို ဝင်စားကြည့်ပါဦး

Shop Info

Location

Hledan Center, Ground Floor, Kamayut.

TEL/Email

Phone : 09790254777

Email : No Email

Open Hours

MON-FRI 09:00 – 19:00

SAT-SUN 10:00 – 14:00

The Lord – SanChaung

frame

The Lord – SanChaung

ဘော်ဒါတွေနဲ့ စုသောက်လို့ကောင်းမယ့်ဆိုင်လေး

ဒီတစ်ခေါက်လစာတွေလည်း ထုတ်ထားတာဆိုတော့ သောက်ကြစားကြမယ့်ဘော်ဒါတွေအတွက် ဆိုင်တစ်ဆိုင်ရေးပေးချင်ပါတယ်။ ရှင်စောပုလမ်းက ဖွင့်ထားတာသိပ်မကြာသေးတဲ့ The Lord စမ်းချောင်း ပါ။

The Lord ရန်ကင်းဆိုင်ကိုသွားဖို့ရည်ရွယ်ထားပြီး တကယ်တမ်းအရင်ရောက်ဖြစ်ခဲ့တာကရှင်စောပုကအသစ်ဖွင့်ထားတဲ့ ဆိုင်ကိုရောက်ခဲ့တယ်။ ဆိုင်အနေအထားကျယ်ဝန်းပြီးဆိုင်အသစ်ဖြစ်တာကြောင့်သန့်ရှင်းသပ်ရပ်မှုကတော့ အတော်လေးကောင်းမွန်တယ်။ ဆိုင်ပုံစံကလည်း တော်တေ်ာလေး fine တယ်။

အမြည်းတွေစုံပြီး ဘော်ဒါတွေစုပြီးသွားသောက်လို့ကောင်းတဲ့နေရာတစ်ခုပါ။ အသားနူးအိတဲ့ ဝက်သားပေါင်းကိုတော့တော်တော်လေးသဘောကျတယ်။ စားလိုက်တိုင်းမှာ နူးညံ့တဲ့အရသာကိုရတယ်။ မကြိုက်တဲ့တစ်ချက်က တချို့သုံးထပ်သားဟင်းတုံးမှာ အမွှေးလေးတွေကျန်နေတာကိုသိပ်သဘောမကျပါဘူး။ ကျန်တဲ့အရသာပိုင်းကတော့ လုံးဝအိုကေပါတယ်။

လူအရမ်းများပြီး မှာထားတာကို ခဏခဏသတိပေးနေရတာလေးတစ်ခုလည်းသိပ်တော့ဘဝင်မကျပါဘူး။ ဒါပေမယ့်ပြောပလောက်တဲ့ ပြသနာကြီးတော့မဟုတ်ပါဘူး။ အချုပ်အားဖြင့်ပြောရရင် ထိုင်လို့ကောင်းတယ်။ လူအရမ်းများပေမယ့်ဆိုင်ပုံစံကောင်းတာကြောင့် ပိတ်လှောင်နေတာမျိုးမရှိပါဘူး။ သူငယ်ချင်းတွေဘီယာဆိုင်စုထိုင်ဖို့ သွားသင့်တဲ့ဆိုင်လေးပါ။

Shop Info

Location

No.11, Shin Saw Pu Road, Near Baho Road, Sanchaung Township

TEL/Email

Phone : 09 785 101433

Email : contacts@company.com

Open Hours

MON-FRI 09:00 – 19:00

SAT-SUN 10:00 – 14:00

Besto BBQ & Restaurant

frame

Besto BBQ & Restaurant

မန္တလေးကဘော်ဒါတွေ စားရင်း သောက်ရင်း ဘောလုံးပွဲကြည့်နိုင်မယ့်ဆိုင်

ဒီတစ်ခေါက် မန္တလေးကိုရောက်တုန်း ထိုင်ဖြစ်ခဲ့တဲ့ ဆိုင်တစ်ဆိုင်အကြောင်းကို ဘော်ဒါတွေအတွက် ပြန်လည် မျှဝေပေးချင်ပါတယ်။ ဒီဆိုင်က ဘောလုံးပွဲဝါသနာရှင်တွေအတွက် လုံးဝသဘောကျမယ့်ဆိုင်လို့ဆိုချင်ပါတယ်။

ဘောလုံးပွဲရှိတဲ့ညတွေမှာ ဆိုင်မှာ ပရိုဂျက်တာအကြီးနဲ့ ပြတာကို အတော်လေးသဘောကျမိတယ်။ တစ်ဝိုင်းနဲ့တစ်ဝိုင်း အရမ်းကပ်နေတာမဟုတ်လို့ လွတ်လွတ်လပ်လပ်အားပေးနိုင်တယ်။

ဆိုင်က ခြံဝန်းထဲမှာရှိပြီး ကျယ်ကျယ်ဝန်းဝန်းရှိတာကြောင့် သက်တောင့်သက်သာရှိတယ်။ ဆိုင်မှာ ပင်လယ်စာ နဲ့ပတ်သက်ရင်လူကြိုက်များတဲ့ ပင်လယ်စာဗန်းနဲ့ရေဘဝဲသုပ်၊ အကင်မျိုးစုံရှိလို့ အမြည်းအတွက် လုံး၀ စိတ်ပူစရာမလိုပါဘူး။ ဒီဆိုင်မှာသဘောအကျဆုံးက အပြင်ကပုလင်းယူလာမယ်ဆိုရင်တောင် Charge မကောက်တာကိုပါပဲ။

ဆိုင်မှာ မိန်းကလေးတွေအကြိုက် ပင်လယ်စာသင်္ဘောသီးထောင်း၊ ပင်လယ်စာရခိုင်သုပ်တို့လိုချဉ်ချဉ်စပ်စပ် အစားအသောက်တွေအပြင် အကင်အမျိုးအစားစုံတာရယ်၊ ထိုင်လို့ကောင်းတာရယ်ကြောင့် ဒီဆိုင်လေးကို သဘောကျမိတယ်။

မွေးနေ့ပွဲပဲလုပ်လုပ် Gathering ပဲလုပ်လုပ် ဒီဆိုင်က ခြံဝန်းထဲမှာရှိတာကြောင့် private ဆန်တဲ့ အရသာကို ရနိုင်ပါတယ်။ ကဲ … အကြိတ်အနယ်ရှိတဲ့ ဘောလုံးပွဲတွေကြည့်ရင်း အရသာရှိတဲ့အစားအသောက်တွေစားရင်း သောက်မယ် စားမယ်ဆိုတဲ့ ဘော်ဒါတွေအတွက် ဆိုင်ကောင်းလေးတစ်ဆိုင်ကို လမ်းညွှန်ပေးလိုက်ပါတယ်နော် …

Shop Info

Location

N0 (12/ KaKa-4), 57th street, Thatepan Street (South), Kantharyar Ward, Chanmyatharzi, Mandalay.

TEL/Email

Phone : 09 799176296

No Emails

Open Hours

MON-FRI 09:00 – 19:00

SAT-SUN 10:00 – 14:00

Mr.Jerry Thai BBQ and Hotpot

44203332_2275242536086775_4426815550672338944_n

Mr.Jerry Thai BBQ and Hotpot

ချစ်စရာကောင်းတဲ့ ဆိုင်အပြင်အဆင်နဲ့ အစားအသောက်ကောင်းတဲ့ ဟော့ပေါ့ဆိုင်

ဒီတစ်ခေါက်မှာ လူပြောများနေတဲ့ ဟော့ပေါ့ဆိုင်လေးတစ်ဆိုင်ကိုရောက်ခဲ့တယ်။ အွန်လိုင်းက သူငယ်ချင်းတွေ တော်တော်များများသွားဖူးကြပြီး ဓာတ်ပုံလေးတွေမြင်ထဲက သွားချင်နေတဲ့ ဆိုင်ဖြစ်တဲ့ Mr.Jerry Thai BBQ and Hotpot ဆိုင်ကို ဒီတစ်ပတ်ရောက်ဖြစ်ခဲ့တယ်။

ဆိုင်ပုံစံလေးက သန့်သန့်ရှင်းရှင်းနဲ့ သပ်ရပ်မှုရှိပြီး ဝန်ထမ်းတွေလည်း အဆင်ပြေတယ်လို့ ဆိုရပါမယ်။ အသားအရသာလတ်ဆတ်မှုရှိပြီး အစားအသောက်အမျိုးအစားလည်း တော်တော်လေး စုံလင်အောင် ခင်းကျင်းထားတဲ့ အဝစားဟော့ပေါ့ဆိုင်လေးပါ။

 

အကင်ရော ဟော့ပေါ့ပါ စားလို့ရတဲ့ အိုးလေးဖြစ်ပြီး ရွေးချယ်စရာ ဟင်းရည် ၂ မျိုးရှိပါတယ်။ အက်ဒမင်ကတော့ ချဉ်စပ်ဟင်းရည်ကို ရွေးခဲ့တယ်။ ဟင်းရည်အရသာက အရမ်းချဉ်စပ်ဘက်ကိုမသွားပဲ ပုံမှန်လောက်ပဲဖြစ်တာကြောင့် တစ်ဦးထည်းအမြင်အရ သိပ်သဘောမကျမိပါဘူး။ ဒါပေမယ့် ကုန်သွားတာနဲ့ refill ပြန်လုပ်ပေးတာကိုတော့ သဘောကျမိတယ်။

ဒီဆိုင်ရဲ့ အကင်တော်တော်များများက အရသာကောင်းပြီး Cheese နဲ့တွဲစားရတာကို တော်တော်လေး ခံတွင်းတွေ့မိတယ်။ ကုန်သွားလည်း စိတ်ပူစရာမလိုပဲ ထပ်တောင်းသမျှထည့်ပေးမယ့် ဝန်ထမ်းလေးတွေရှိပါတယ်။

 

အသားအနေနဲ့က အသားအစုံအလင်ရှိပြီး အရသာအမျိုးမျိုးလည်းရှိပါတယ်။ ပင်လယ်စာကတော့ စောစောသွားရင် များများရွေးချယ်စရာရှိနိုင်ပါတယ်။ သဘောကျမိတဲ့နောက်တစ်ခုက Thai Tea နဲ့ Ice lemon tea အေးအေးလေးကိုပါပဲ။ ရေခဲမုန့် တွေလည်းအရသာအစုံရှိပြီး အစားတစ်လိုင်းတွေအတွက် အတော်လေး အဆင်ပြေမယ့် ဆိုင်လေးပါ။

Shop Info

Location

No. 33, Waizayanta Road,Thingyan Kyon Township
Yangon 11071

TEL/Email

Phone : 09 40405 0341

 No emails

Open Hours

MON-FRI 09:00 – 19:00

SAT-SUN 10:00 – 14:00