kantkawphyu food house

40527876_254521115200985_5516844835551576064_n

kantkawphyu food house

ဈေးနှုန်းသက်သာပြီး အစားအသောက်ကောင်းတဲ့ဆိုင်

ဒီတစ်ခေါက်မှာ ဘောက်ထော်ဘက်က ဈေးနှုန်းသက်သာပြီးအစားအသောက်ကောင်းတဲ့ ဆိုင်လေးတစ်ဆိုင်အကြောင်းပြောချင်ပါတယ်။ ဆိုင်ကအရမ်းမကြီးပေမယ့် သပ်သပ်ရပ်ရပ် သန့်သန့်ရှင်းရှင်းလေးတဲ့ ဆွဲဆောင်မှုရှိတဲ့ ကံ့ကော်ဖြု Food House ပါ။

ဆိုင်ကိုရောက်ရောက်ချင်းမှာ သုံးဆောင်ဖို့ချပေးတဲ့ Detox Water နဲ့ လက်ဘက်ရည်ကြမ်းကို အတော်လေးသဘောကျမိတယ်။ စားဖြစ်ခဲ့တာကတော့ ပုန်းရည်ကြီးထမင်းသုပ်နဲ့ ကြက်အူခြောင်းပါ။ ဆီအရမ်းမများပဲ စားရတာအရသာကောင်းတဲ့ ဟင်းပွဲလေးတစ်ခုပေါ့။

နောက်ထပ်စားချင်နေတဲ့ ပဲပြားအစာသွပ်ကိုလည်း သဘောကျတယ်။ ခပ်ချဉ်ချဉ်အရသာလေးနဲ့ ပုန်းရည်ကြီးထမင်းနဲ့ တွဲစားခဲ့တယ်။ တစ်ပွဲကို အစာသွပ် ၄ ခုပါပြီး ၁၀၀၀ ကျပ်ပဲကျပါတယ်။

အချိုပွဲအနေနဲ့ကတော့ ကံ့ကော်ဖြူကော်ဖီသောက်ဖြစ်ခဲ့တယ်။ ကော်ဖီဖျော်စက်နဲ့ သေချာဖျော်ထားတာဖြစ်ပြီး ကော်ဖီကို အရသာခံသောက်တဲ့သူတွေအတွက် အကြိုက်တွေ့စေမှာပါ။

ဆိုင်အပြင်ဆင်ပုံစံလေးကလည်း ချစ်ဖို့ကောင်းပြီး ကျွန်တော်သွားထိုင်တဲ့အချိန်တုန်းကတော့ လူရှင်းနေတဲ့အချိန်ဖြစ်ပါတယ်။ ဆိုင်မှာ မြန်မာလူမျိုးတွေအစားများလေ့ရှိတဲ့ အစားအသောက်တွေအစုံအလင်ရပြီး နံနက်စာအတွက်တော့ ဒီဆိုင်လေးကို ညွှန်းချင်ပါတယ်။

Shop Info

Location

Ah Wai Yar Street
12, Bauk Htaw,Yankin.

TEL/Email

Phone :09 40445 5234

Email : No Email

Open Hours

MON-FRI 09:00 – 19:00

SAT-SUN 10:00 – 14:00

Htun Buffet Naypyitaw

IMG_20180925_124207

Htun Buffet Naypyitaw

နေပြည်တော်ရောက်ရင် ဒီဆိုင်မှာအမြဲစားဖြစ်တယ်

ဒီတစ်ခေါက် ရန်ကုန်ကဆိုင်တွေအကြောင်းရေးတာ ခဏနားပြီး နေပြည်တော်မှာရှိတဲ့ မြန်မာဘူဖေးထမင်းဆိုင်တစ်ဆိုင်အကြောင်း ရေးချင်ပါတယ်။ စားခဲ့ဘူးတဲ့အဝစားဘူဖေးဆိုင်တွေထဲမှာ တော်တော်လေး သဘောကျမိတဲ့ဆိုင်လို့ ဆိုရမှာပါ။ နေပြည်တော်ရောက်တိုင်းလည်း သွားစားဖြစ်တဲ့ဆိုင်ပေါ့။

အဝစား တစ်ယောက်ကို ၄၅၀၀ ကျပ်ဖြစ်ပြီး အသားဟင်း၊ အရံဟင်းတွေအပါအဝင်ဆို ဟင်းအမျိုးပေါင်း ၂၀ လောက်ထိပါတဲ့ ဘူဖေးပါ။ အရွက်ကြော်၊ အသားကြော်၊ ဆီပြန်ဟင်း၊ အရည်သောက်စုံစုံလင်လင်နဲ့ ဘာဟင်းစားလို့ စားရမှန်းမသိအောင်ကို ဖြစ်ရပါတယ်။

ပြောစရာတစ်ခုရှိတာဆိုလို့ တချို့ဟင်းပွဲတွေမှာ ဆီများတာကိုတော့ သိပ်သဘောမကျပါဘူး။ ဥပမာ ပြောင်းဖူးကြော်လိုမျိုးမှာ စားရတာအရသာရှိပေမယ့် ဆီများတာကို ကျွန်တော့်တစ်ဦးထဲအမြင်အရ သဘောမကျပါဘူး။

အဖွဲ့လိုက်သွားစားမယ့်သူတွေအတွက်အဆင်ပြေအောင်လည်း ပွဲတော်စာအထူးဒေါင်းလန်းကြီး စားနိုင်တယ်လို့လည်း သိရပါတယ်။ မိတ်ဆွေတို့ နေပြည်တော်လမ်းကြုံရင် ဝင်စားဖို့အတွက် ထမင်းဆိုင်ကောင်းကောင်းလေးကို လမ်းညွှန်ပေးလိုက်ပါတယ်။

Shop Info

Location

No. 570 Yarzahtarni Road , Paunglaung3, Naypyitaw.

TEL/Email

Phone : 09894500600

Email : No Email

Open Hours

MON-FRI 09:00 – 19:00

SAT-SUN 10:00 – 14:00

WABI SABI Japanese food

DSC02298

WABI SABI Japanese food

အစားသောက်ကောင်းကောင်းလေးတွေနဲ့ဂျပန်ဆိုင်လေး

ဒီတစ်ပတ်မှာ ဂျပန်စာကြိုက်တဲ့မိတ်ဆွေတွေအတွက် ဂျပန်စားသောက်ဆိုင်လေးတစ်ဆိုင်နဲ့ မိတ်ဆက်ပေးချင်ပါတယ်။ သွားလာရလွယ်ကူပြီး ရှန်ဂရီလာဟိုတယ်နောက်က အထက်(၃၂) လမ်းမှာရှိတဲ့ WABI SABI ဆိုတဲ့ ဂျပန်ဆိုင်လေးပါ။

အရသာထူးထူးလေးနဲ့ စားလို့အရမ်းကောင်းတဲ့ အမဲသားနဲ့ ဝက်သားကိုရောထားတဲ့အသားပေါင်း Hmburg အကြောင်းစပြောချင်ပါတယ်။ ထောပတ်၊ နို့စိမ်း၊ အသီးအရွက်နဲ့ ကြက်ဥပေါင်းကိုရောနှောထားတဲ့အတွက် အရသာချိုဆိမ့်လေးနဲ့ စားလို့အရမ်းကောင်းပါတယ်။ အရသာအသစ်အဆန်းကိုမှ စားချင်တယ်ဆိုရင်တော့ သွားစားကြည့်သင့်ပါတယ်။

ပူပူစပ်စပ်အရသာကြိုက်တဲ့သူတွေအတွက်ကတော့ Spicy Ramen လို့ခေါ်တဲ့ ဝက်သားပြားခေါက်ဆွဲပါ။ မျှစ်၊ ထိုင်ဝမ်မှုံညှင်းရွက်၊ ကြက်ဥပြုတ်၊ ရေညှိုနဲ့ ကြက်သွန်မြိတ်တို့ပါပြီး ပူနေတုန်းစားပါ။ အစပ်အလျှော့အတင်းကတော့ ဆိုင်ကို မိမိစိတ်ကြိုက်လုပ်ခိုင်းလို့ရပါတယ်။

နောက်ထပ် မိတ်ဆက်ပေးချင်တာက Chicken Nanban ဆိုတဲ့ ကြက်သားနဲ့လုပ်ထားတဲ့ ဟင်းပွဲနဲ့ Gyoza ဖက်ထုပ်ကြော်ပါ။ စားနေကျအစားအစာတွေလိုမဟုတ်ပဲ ထူးထူးခြားခြား ခံစားမှုမျိုးကို ရနိုင်ပါတယ်။

ဆိုင်ရဲ့ အပြင်အဆင်နဲ့ ဖွဲ့စည်းပုံလေးက ချစ်ဖို့ကောင်းပါတယ်။ အပေါ်ထပ်၊ အောက်ထပ်နှစ်ထပ်ရှိပြီး အပေါ်မှာ သီးသန့်အခန်းတစ်ခုလည်းရှိပါတယ်။ သီးသန့်အခန်းအတွက် အခကြေးငွေ ထပ်ပေးစရာမလိုပဲ ဦးရာလူစနစ်နဲ့ အေးဆေးထိုင်ပြီး စကားပြောလို့ရပါတယ်။

သူငယ်ချင်းတွေနဲ့စုပြီး နည်းနည်းပါးပါးသောက်မယ်ဆိုလည်း ဘီယာလည်းရပါတယ်။ အေးဆေးစကားပြာချင်တယ် ဆိုရင်တော့ လုံးဝအငြိမ်ဖြစ်မယ့် နေရာလေးလို့ ညွှန်းချင်ပါတယ်။

Shop Info

Location

No. 225, 32nd Street (Upper Block), Pabedan Township,
Yangon

TEL/Email

Phone : 09 262 284 827

Email : contacts@company.com

Open Hours

MON-FRI 09:00 – 19:00

SAT-SUN 10:00 – 14:00

Ma Wha Toke Pork

frame

Ma Wha Toke Pork

၀က်သားစားမယ်ဆို ဝက်စပယ်ရှယ်လစ်ရှိတယ်

ဒီတစ်ခေါက် ဝက်သားကြိုက်တဲ့ အစားတစ်လိုင်းတွေအတွက် ဝက်စပယ်ရှယ်လစ်ဆိုင်တစ်ဆိုင်အကြောင်းရေးပေးပါမယ်။ လူသိများပြီးသားဖြစ်ပေမယ့် မသိသေးတဲ့သူတွေအတွက် ပြန်လည်မျှဝေပေးချင်လို့ မဝတုတ်ဆိုင်ကိုအရောက်သွားဖြစ်ခဲ့တယ်။

ဝက်တစ်ကောင်လုံး ခေါင်းအစခြေအဆုံး အရသာအမျိုးမျိုး၊ ပုံစံအမျိုးမျိုးစားနိုင်မယ့်ဝက်သားသီးသန့်ရောင်းတဲ့ဆိုင်ပါ။ ဒီတစ်ခေါက်စားဖြစ်ခဲ့တာတွေကို ပြန်ဖောက်သည်ချပေးရမယ်ဆိုရင်တော့

ဝက်အူစုံချဉ်စပ်

ဝက်အူစုံကို ချဉ်စပ်ဟင်းရည် စပ်စပ်လေးနဲ့စားလို့ကောင်းပြီး ဒီဆိုင်ရဲ့ လူကြိုက်အများဆုံးဟင်းပွဲတစ်ခုလည်းဖြစ်ပါတယ်။ အထဲမှာပါတဲ့ အဆာစုံလင်ပြီးချဉ်စပ်အရသာကြောင့် မအီပဲသောက်လို့ကောင်းတဲ့ ဟင်းရည်ဟင်းပွဲပါ။ ထမင်းနဲ့စားမယ်ဆိုရင် လိုက်ပြီးမပါမဖြစ်မှာစားသင့်တဲ့အရည်သောက်ဟင်းပွဲပါ။

သုံးထပ်သားကင်သုပ်

ဝက်သုံးထပ်သားကင်သုပ်ကတော့ အချဉ်ရည်နဲ့သုပ်တဲ့ ဝက်ခေါင်းသုပ်လိုအရသာပါပဲ။ အသားများပြီး စားလို့ကောင်းတဲ့ မဝတုတ်ရဲ့လက်ရာတစ်ခုပဲဖြစ်ပါတယ်။ မြန်မာပါးစပ်နဲ့မစိမ်းတဲ့မြန်မာ့နည်း မြန်မာ့ဟန် ဝက်သားသုတ်အရသာလို့ဆိုလည်း မမှားပါဘူး။

သုံးထပ်သားကင် (အချိုရည်ဆမ်း)

သုံးထပ်သားကင် (အချိုရည်ဆမ်း) က ထမင်းပေါင်းဆိုင်တွေမှာစားနေကျလို အချိုရည်နဲ့အစပ်မစားနိုင်တဲ့သူတွေအတွက် အဆင်ပြေစေပါမယ်။ သူ့မှာတော့ ထူးထူးခြားခြားအရသာရယ်လို့သိပ်မရှိပေမယ့် အသားအရသာကောင်းလို့ စားလို့မဆိုးတဲ့ဟင်းပွဲလို့ မြင်မိပါတယ်။

ဆိုင်က လူသိများပြီး နေ့လည်ထမင်းစားချိန်မှာဆို လူအရမ်းကျတာကြောင့် မှာပြီးရင်တော့ စိတ်ရှည်ရှည်နဲ့စောင့်ရပါလိမ့်မယ်။ တကယ်လို့ စားချင်တာရှိရင်တော့ 09 254 066 303 ကိုဖုန်းဆက်ပြီး အော်ဒါတင်လို့ ရတယ်လို့သိရပါတယ်။

ဝက်သားကိုမှ စုံစုံလင်လင်နဲ့ အရသာထူးထူး ရွေးချယ်စရာများများစားမယ်ဆိုရင်တော့ မဝတုတ်ဆိုင်ကို အရောက်သွားသင့်ပါတယ်။

Shop Info

Location

No.60, Pagoda Street,5 quarter, Kamayut Township, Yangon.

TEL/Email

Phone : 09 254 066 303

Email : contacts@company.com

Open Hours

MON-FRI 09:00 – 19:00

SAT-SUN 10:00 – 14:00

Cafe Amazon Sule Square

39941000_315974142284269_4425811241289646080_n

Cafe Amazon Sule Square

ကော်ဖီလေးသောက်ရင်း အေးဆေးထိုင်နိုင်တဲ့ Cafe Amazon

ဆူးလေကိုလမ်းကြုံရင်းနဲ့ Sule Square မှာကော်ဖီဝင်သောက်ဖို့အတွက် ဆိုင်ပုံစံဆန်းဆန်းလေးဖြစ်တဲ့ Cafe Amazon မှာ ထိုင်ဖြစ်ခဲ့တယ်။ စိမ်းစိုတဲ့ သစ်ရွက်သစ်ခက်လေးတွေနဲ့ Amazon ရဲ့ အရသာကိုပေးစွမ်းထားတယ်။

ဒီဆိုင်က ထိုင်းနိုင်ငံမှာတော့ လူသိများပြီး မြန်မာနိုင်ငံမှာလည်း အခုဆို ဆိုင်ခွဲတွေ ဖွင့်လှစ်ထားပြီးဖြစ်ပါတယ်။ ကော်ဖီအမျိုးအစားစုံလင်ပြီး ဆိုင်ရှေ့ကဖြတ်သွားတာနဲ့တင် ကော်ဖီနံ့သင်းပြီး ဝင်သောက်ချင်စိတ်ဖြစ်မိအောင် ဆွဲဆောင်နိုင်ပါတယ်။

ကော်ဖီအရမ်းခါးတာမသောက်နိုင်တာနဲ့ Amazon ကိုရွေးဖြစ်ခဲ့တယ်။ ကော်ဖီအရသာကောင်းပြီး taste တစ်ခုကိုရတယ်။ နောက်တစ်ခုက Chocolate ကတော့ မိန်းကလေးအများစုကြိုက်မယ့် အရသာပါ။ ဆိုင်မှာထိုင်ရင်း ဓာတ်ပုံရိုက်လို့ကောင်းမယ့် နေရာလေးတွေလည်း ရှိပါတယ်။

Cafe Amazon က မြန်မာနိုင်ငံမှာ ဆိုင်ခွဲ ၄ နေရာရှိတယ်လို့ သိရပါတယ်။ Sule Square၊ Junction City ၊ City Mall နဲ့ Vintage Tower တို့မှာ ဖွင့်ထားတယ်လို့ သိရပါတယ်။ သင်ဟာ ကော်ဖီချစ်သူတစ်ယောက်ဆိုရင်တော့ ဒီဆိုင်လေးကို တစ်ခါလောက်အရောက်သွားပြီး ကော်ဖီအရသာလေးတွေ မြည်းစမ်းသင့်ပါတယ်။

Shop Info

Location

Sule Sqaure, (Underground Floor), Sule Pagoda Road, Pabedan Township, Yangon.

TEL/Email

01 505 085

Email : No Email

Open Hours

MON-FRI 09:00 – 19:00

SAT-SUN 10:00 – 14:00

Food Cottage

Ayam Penyet (Chilli Lime Fried Chicken)

Food Cottage

ကြက်ခရေဇီတွေအကြိုက်တွေ့မယ့် လှည်းတန်းကဆိုင်

ဒီတစ်ခေါက်ရောက်ခဲ့တဲ့ဆိုင်လေးက ကြက်သားခရေဇီတွေအတွက်
အကြိုက်တွေ့မယ့်ဆိုင်ပါ။ ကြက်သားနဲ့ပတ်သက်တဲ့ ဟင်းပွဲတွေစုံပြီးထိုင်းစာကောင်းကောင်းလေးတွေလည်းရတဲ့ဆိုင်လေးတစ်ဆိုင်ပါ။

Ayam Penyet (Chilli Lime Fried Chicken)

Ayam Penyet (Chilli Lime Fried Chicken) – 4000 Ks

ကြက်အစပ်ကြော်ကို ကြက်ဆီထမင်း၊ မြေပဲ၊ ငါးနီတူကြော်၊ ဟင်းအနှစ်တို့နဲ့တွဲဖက်ပြင်ဆင်ထားတဲ့ဟင်းပွဲပါ။ ကြက်သားအစပ်က အရမ်းမစပ်ပဲ ကြော်တဲ့နည်းလမ်းကခါတိုင်းစားနေကျ ကြက်သားကြော်နဲ့မတူတာကိုတွေ့ရတယ်။ ပုံမှန်စားနေကျမဟုတ်တဲ့ကြက်သားကြော်လေးနဲ့ ကြက်ဆီထမင်း ဟင်းအနှစ်အရသာကောင်းကောင်းလေးနဲ့အရမ်းမကြိုက်ပေမယ့် စားလို့မဆိုးဘူးလို့ သတ်မှတ်ရမယ်။

Honey BBQ Pork – 6000 Ks

အသားများများဝက်နံရိုးကို ပျားရည်နဲ့ကင်ထားတဲ့ သဘောကျမိတဲ့ နံရိုးကင်ပါ။ ဟင်းအပြင်ဆင်လေးကိုက စားချင့်စဖွယ်ဖြစ်ပြီး ထူးခြားတဲ့အရသာလည်းရှိပါတယ်။ နံရိုးတွေဒီထက်ပိုနူးအိမယ်ဆိုရင်တော့ ပိုစားကောင်းမယ်လို့ မြင်မိပါတယ်။

Pandan Leaf Chicken – 3800 Ks

စားလို့အရသာတော်တော်ကောင်းတဲ့ ကြက်သားဆူးမွှေးဖက်ထုပ်ကြော်ပါ။ အသားအရသာနဲ့ဖက်ထုပ်အရသာတော်တေ်ာလေးစားကောင်းပြီး အချဉ်နဲ့တို့စားလို့ကောင်းတဲ့ဖက်ထုပ်ပါ။ တစ်ခုပဲယူထားတဲ့ဈေးနဲ့ ၄ ခုပဲပါတာကတော့ ဈေးများတယ်လို့ခံစားမိပါတယ်။

ဒီဆိုင်မှာ ကြက်သားနဲ့ပတ်သက်တာတွေတော်တော်များတယ်။ ပျားရည်ကြက်ကင်၊ စပါးလင်ကြက်ကြော်၊ ကြက်ဖက်ထုပ်ဟင်းချို၊ ရိုးရာကြက်ခြေထောက်သုပ်တို့လို အသားသောက်ဆန်းဆန်းလေးတွေလည်းရနိုင်ပါတယ်။ ဆိုင်တည်နေရာအနေအထားနဲ့အစားအသောက်အရသာလေးတွေကောင်းပြီး မီနူးထဲကဈေးတွေကို လူငယ်တွေလက်လှမ်းမီနိုင်မယ့် ဈေးတစ်ခုသတ်မှတ်နိုင်ရင်ပိုအောင်မြင်လာမယ့် ဆိုင်လေးလို့ မြင်မိပါတယ်။

ကဲလှည်းတန်းဘက်ရောက်ဖြစ်ရင် ဒီဆိုင်လေးကို ဝင်စားကြည့်ပါဦး

Shop Info

Location

Hledan Center, Ground Floor, Kamayut.

TEL/Email

Phone : 09790254777

Email : No Email

Open Hours

MON-FRI 09:00 – 19:00

SAT-SUN 10:00 – 14:00

Phoetharaung Myanmar Food

DSC06964

Phoetharaung Myanmar Food

ဈေးသက်သာပြီး အရသာကောင်းတဲ့ထမင်းဆိုင်လေး

ဒီတစ်ခေါက်မှာ လကုန်ခါနီးလည်းဖြစ်နေလို့ ဈေးသက်သာမယ့်ဆိုင်လေးတွေအကြောင်းကို ရေးဖို့စိတ်ကူးထားတယ်။ မြန်မာထမင်းဟင်းချက်အရသာကောင်းပြီး ဈေးလည်းမဆိုးတဲ့ ဆိုင်လေးတစ်ဆိုင်အကြောင်း မျှဝေချင်ပါတယ်။

ကြည့်မြင်တိုင်၊ သီရိမင်္ဂလာဈေးဟောင်းရှေ့က ဖိုးသာအောင်ထမင်းဆိုင်လေးက အပြင်အဆင်အရတော့သိပ်အထင်ကြီးစရာမရှိပေမယ့် ဟင်းချက်အရသာနဲ့ ဈေးနှုန်းလေးက မဆိုးဘူးလို့ဆိုရမယ်။ ဟင်းပွဲပေါင်း သုံးဆယ်ကျော်လောက်နေ့စဉ်ချက်တယ်လို့ သိရပြီး ဈေးက ၁၅၀၀ ကျပ်ကနေ အများဆုံး ၃၀၀၀ ကျပ်လောက်ပဲဆိုတော့ စားပျော်တဲ့ဈေးလို့ဆိုရမယ်။ ငါးပိရည် တို့စရာအစုံကလည်း စားလို့ကောင်းတယ်။

ဆိုင်က နေရာအခက်အခဲတော့ရှိပြီး ထိုင်မစားချင်ရင်တောင် ပါဆယ်ထုပ်သွားရင်အဆင်ပြေပါမယ်။ မြန်မာဟင်းအရသာကောင်းကောင်းနဲ့ သိပ်ဈေးမကြီးတဲ့ဆိုင်မျိုးကိုရှာနေတယ်ဆိုရင်တော့ ဒီဆိုင်လေးဘက်လမ်းကြုံတဲ့အခါစားကြည့်ဖို့ ပြောလိုပါတယ်။

Shop Info

Location

No 506, Kannar Road, Kyimyindaing, Yangon.

TEL/Email

Phone : + 1 800 755 60 20

Email : contacts@company.com

Open Hours

MON-FRI 09:00 – 19:00

SAT-SUN 10:00 – 14:00

Ocean Pearl Ngapali

1

Ocean Pearl Ngapali

ငပလီက အကြိုက်ဆုံးပင်လယ်စာဆိုင်

ငပလီကိုရောက်တုန်း စားကောင်းမယ့် စားသောက်ဆိုင်တွေအကြောင်းရှာဖတ်ရင်း တွေ့ခဲ့ပြီး ကိုယ်တိုင်သွားစားကြည့်ပြီး သဘောကျမိတဲ့ Ocean Pearl ဆိုင်လေးအကြောင်း ပြန်လည်မျှဝေချင်ပါတယ်။ အစားအသောက်အရသာကောင်းပြီး သပ်သပ်ရပ်ရပ်ရှိတဲ့ ဆိုင်လေးပါ။ ငပလီရောက်ဖြစ်ရင် ဝင်စားသင့်တဲ့ကြိုက်ဆုံးဆိုင်လေးအကြောင်း ပြန်လည်မျှဝေပါမယ်။

ဒီဆိုင်ရဲ့ အစားအသောက်တွေအရသာက ဆိုင်ရောင်းတန်းမဆန်ပဲ အိမ်ချက်အရသာလို အရသာကောင်းကောင်းလေးရှိတာကို အရင်ဆုံးသတိထားမိတယ်။ အရင်ဆုံး ငပလီမှာ ပေါတဲ့ ငါးပါးနီနဲ့ပြုလုပ်ထားတဲ့ ငါးကင်လေးအကြောင်း စပြောချင်တယ်။ ငါးပါးနီဆိုတဲ့ငါးကို ချင်း၊ ကြက်သွန်ဖြူ၊ ထောပတ်သုတ်ကင်ထားပြီး သံပုရာသီးလေးနဲ့ တွဲစားရတာ အတော်လေး စားလို့ကောင်းပါတယ်။ ငါးရဲ့ လတ်ဆတ်မှုကြောင့် စားရတာ ပိုအရသာရှိတယ်လို့ ခံစားမိပါတယ်။

ပုစွန်ချက်ဟင်းပွဲက လတ်ဆတ်တဲ့ ပုစွန်အရသာကိုအထူးပြောစရာမလိုတော့ပဲ ခရမ်းချဉ်သီးဟင်းအနှစ်က တော်တော်လေး အရသာကောင်းမွန်ပါတယ်။

အသီးအရွက်အစုံလင်ပါပြီး ရခိုင်ကျောက်ငါးနဲ့ ချက်ထားတဲ့ ရခိုင်ငါးသောက်ဆမ်းက ချဉ်ချဉ်စပ်စပ်ကြိုက်တဲ့သူတွေအတွက်တော့ လုံးဝသဘောကျမယ်လို့ ဆိုချင်ပါတယ်။

ဆိုင်ကရောင်းတဲ့ ဓာတုပစ္စည်းကင်း အသီးအရွက်ကြော်တွေကိုလည်း သဘောကျမိပြီး မူလအသီးအရွက်ရဲ့ အရသာကို ပင်လယ်ထွက် ပုစွန်ခြောက်မှုန့်နဲ့ ကြော်ချက်ထားတာက ပိုစားကောင်းတဲ့ အရသာတစ်ခုကို ရရှိစေပါတယ်။

ရန်ကုန်မှာ နေခဲ့တဲ့သက်တမ်းတစ်လျှောက် တခါမှ မစားဖူးတဲ့ ထောပတ်သီးသုတ်ကိုလည်း စားခွင့်ရခဲ့ပြီး ထူးခြားတဲ့အရသာတစ်ခုခုကို အသစ်အဆန်းမြည်းစမ်းခွင့်ရခဲ့ပါတယ်။ ထောပတ်သီးကို အသုတ်လိုစားဖူးတာဒါပထမဆုံးအကြိမ်ပါ။

ပင်လယ်ကိုရောက်တုန်း လတ်ဆတ်တဲ့ ကျောက်ပုစွန်အကြီးကြီးတွေကိုမှ စားချင်တယ်ဆိုရင်တော့ ကန်ထဲမှာ ထိန်းသိမ်းထားတဲ့ ကျောက်ပုစွန်ကြီးတွေလည်း ရှိပါသေးတယ်။ ပင်လယ်စာ အစားအသောက်စုံလင်ပြီး ကော့တေး၊ ဘီယာ နဲ့ စားသောက်ဖွယ်အစုံအလင်လည်း ရတဲ့ဆိုင်လေးပါ။

ဆိုင်က အရမ်းမကြီးပဲ မိသားစုတစ်ပိုင်တစ်နိုင်ရောင်းချတဲ့ ဆိုင်လေးဖြစ်တာကြောင့် နွေးထွေးတဲ့ ခံစားမှုနဲ့ အရသာကို ရရှိစေမှာပါ။ ဆိုင်ဝန်ထမ်းလေးတွေသဘောကောင်းပြီး နောက်တစ်ခါငပလီရောက်ရင်လည်း သွားစားဖို့ စိတ်ကူးထားတဲ့ ဆိုင်ကောင်းလေးတစ်ဆိုင်ဖြစ်ပါတယ်။ ကိုယ်တိုင်သွားစားကြည့်ပြီး သဘောကျတဲ့ဆိုင်လေးမို့ မိတ်ဆွေတွေအတွက် လမ်းညွှန်ပေးလိုက်ပါတယ်။

Shop Info

Location

Ngapali Airport Road, Ziphyugone, Ngapali Beach, front of Amazing Hotel Ngapali.

TEL/Email

Phone : 09 421730382,

09 253169845

Email : contacts@company.com

Open Hours

MON-FRI 09:00 – 20:00

SAT-SUN 10:00 – 21:00

May Myo Eain

frame

May Myo Eain

မေမြို့အိမ်က အရောင်းရဆုံး ကြက်ကြော်နှပ်ဖက်ထမင်း

မေမြို့ (သို့မဟုတ်) ပြင်ဦးလွင်ကို သင်ရောက်ခဲ့ဖူးပြီလား။ ရောက်ဖူးမယ်ဆိုရင်တော့မေမြို့အိမ်ရဲ့ လူကြိုက်အများဆုံး အင်ဖက်နံ့သင်း ကြက်ကြော်နှပ်ဖက်ထမင်းကို စားဖြစ်အောင်စားဖို့တိုက်တွန်းချင်ပါတယ်နော်။

ကြက်ကြော်နှပ်ဖက်ထမင်း

မေမြို့ကို အခုမှပထမဆုံးရောက်တာမဟုတ်ပေမယ့် ဒီကြက်ကြော်နှပ်ဖက်ထမင်းကိုတော့ ဒီတစ်ခါမှစားဖြစ်ခဲ့တာပါ။ ဖက်ထမင်းအကြောင်းစပြောရရင် အရင်ခေတ်က ထမင်းကို ဖက်နဲ့ထုပ်စားခဲ့တဲ့အချိန်တွေကို ပြန်ပြောင်းသတိရစေတယ်။ ထမင်းပူပူလေးကို အရန်ဟင်းအမယ်စုံစုံလေးနဲ့ ကြက်သားကြော်တို့တွဲဖက်စားသုံးရတာမျိုးပါ။

ဒီဖက်ထမင်းထုပ်လေးထဲမှာ ကြက်သားကြော်ကြွပ်ကြွပ်လေးအပြင် ပုစွန်ခြောက်ငံပြာရည်ကြော်၊ပဲကြော်၊ အာလူးကြော်၊ ချဉ်ပေါင်ကြော်တို့ပါဝင်ပါတယ်။ တကယ်သဘောကျစရာကောင်းတဲ့ ဖက်ထမင်းလေးပါ။ အစားကြီးတဲ့ကိုယ့်အတွက်တော့ ပါတဲ့ထမင်းကို နည်းသလိုခံစားရတယ်။ ကြက်ကြော်အတုံးကတော့ တော်တေ်ာလေးကြီးတယ်။ တစ်ပွဲကို ၂၅၀၀ ကျပ်နဲ့စားရတဲ့အရသာကောင်းတဲ့ လူကြိုက်အများဆုံး ဖက်ထမင်းပါ။

နောက်တစ်ခုက ကြက်သားကာလသားချက်။ ကြက်ကာလသားချက်ကို နေရာဒေသအလိုက်ပုံစံအမျိုးမျိုးချက်တာကိုစားခဲ့ဖူးတယ်။ မေမြိ့အိမ်က ချဉ်စပါအရသာကြက်သားကာလသားချက်ကိုလည်း အတော်လေးသဘောကျမိတယ်။ အရသာကောင်းပြီးအဓိကဟင်းအနေနဲ့ပါ စားလို့ရနိုင်ပါတယ်။ အရည်အရသာ၊ အသားအရသာ ဘာမှပြောစရာမလိုအောင်ကောင်းပေမယ့်ဆီများတာလေးကိုတော့ သိပ်သဘောမကျခဲ့ဘူး။ ဆီများတယ်လို့ခံစားရရင် စားရတာသိပ်အဆင်မပြေပါဘူး။

ဆိုင်မှာ ထူးထူးဆန်းဆန်းဟင်းပွဲလေးတွေနဲ့ မေမြို့ရဲ့ ဒေသထွက်အစားအသောက်တွေ၊ ကော်ဖီတွေလည်းရနိုင်ပါသေးတယ်။ ဒီဆိုင်က ပြင်ဦးလွင်ရောက်ဖြစ်တဲ့သူတိုင်း တော်တေ်ာများများဝင်လေ့ရှိတဲ့ နာမည်ကြီးစားသောက်ဆိုင်ပါ။ အစားသောက်ကောင်းကောင်းလေးတွေနဲ့သဘောကျမိတဲ့ဆိုင်လေးမို့ နောက်ရောက်ဖြစ်လဲ ဝင်စားဖြစ်ဦးမယ့်ဆိုင်လေးပါ။

Shop Info

Location

Block 9-Nandawon ,MDY-Lashio Road
Maymyo

TEL/Email

Phone : 09 795 183392

Email : No Email

Open Hours

MON-FRI 09:00 – 21:00

SAT-SUN 09:00 – 21:00

Golden Sky Restaurant & Bar

2

Golden Sky Restaurant & Bar

ပဲခူးက ဘော်ဒါတွေအတွက်အမိုက်စားစားသောက်ဆိုင်

ကဲဒီတစ်ခေါက်မှာ ပဲခူးကဘော်ဒါတွေအတွက် အမိုက်စားစားသောက်ဆိုင်တစ်ဆိုင်နဲ့မိတ်ဆက်ပေးချင်ပါတယ်။ သိပ်မကြာသေးခင်ရက်ပိုင်းကမှ ပူပူနွေးနွေးဖွင့်ထားတဲ့ Golden Sky Restaurant & Bar ပါ။

ဆိုင်မှာ မြန်မာ၊ ထိုင်း၊ တရုတ်အစားအစာအစုံရပြီး သောက်မယ့်သူတွေအတွက် Cocktails အစုံ၊ beverage ရနိုင်တယ်လို့သိရပါတယ်။ စည်ဘီယာလည်းစုံပြီးသောက်ဖို့အတွက် အတော်လေးရွေးစရာများပါတယ်။

ဆိုင်က သုံးထပ်ရှိပြီး အစားအသောက်၊ နေရာထိုင်ခင်း၊ ကားပါကင်ကျယ်ကျယ်နဲ့သူငယ်ချင်းဘော်ဒါတွေနဲ့ စုထိုင်လို့ကောင်းမယ့်နေရာလေးတစ်ခုပါ။ ပဲခူးမှာလူကြိုက်များတဲ့နေရာလေးတစ်ခုလည်းဖြစ်လာနိုင်ပါတယ်။

Shop Info

Location

No.38, Okthar Myo Thit, 7 Quater, Yangon – Mandalay Highway road , Bago.

TEL/Email

Phone : 09 40152 6758

Email : No Email

Open Hours

MON-FRI 09:00 – 19:00

SAT-SUN 10:00 – 14:00